Компания өзінің басты мақсаттарының бірі ретінде еңбекті және қоршаған ортаны қорғауды қамтамасыз етуді қарастырады.

Қауіпсіздік техникасы мен қоршаған ортаны қорғауды сақтау үшін біздің мамандар келесі бағыттарға бағытталған іс-шараларды дайындайды:

• адамдардың денсаулығын сақтау мен қауіпсіздігіне арналған жағдай жасау;
• қоршаған экологиялық ортаға шығарылатын зиянды қалдықтарды азайту;
• клиенттердің қызығушылықтарын сақтау.

Еңбекті қорғау, қауіпсіздік техникасы және қоршаған ортаны қорғау бойынша іс-шаралардың алға қойған міндеттеріне қол жеткізу мақсатында компания келесі принциптерді ұстанады:

• еңбекті және қоршаған ортаны қорғау бойынша нысандардағы қауіпсіздіктің деңгейін сапалы арттыруға арналған жағдаймен қамтамасыз ету;
• экологияға жағымсыз әсерін төмендететін технологиялық құрал-жабдықтарды, материалдар мен шикізаттарды пайдалану саласында алдыңғы қатарлы технологияларды қолдану;
• еңбекті қорғау, қауіпсіздік техникасы және қоршаған ортаны қорғау бойынша заманауи ақпараттық технологияларды қолданып, өнеркәсіптік қауіпсіздік диагностика әдістерін жетілдіру арқылы нәтижелі және эффективті әдістер мен өндірістік бақылау процедураларын енгізу.

Жоғарыда көрсетілген принциптер негізінде біздің компания келесі міндеттемелерді орындауды ұстанады:

• апатты ескерту бойынша жұмыстар жүргізу, ал олар пайда болған жағдайда жағымсыз салдарын төмендету;
• халықаралық нормалар мен стандарттарға, жергілікті заңнамалардың талаптарына сүйене отырып өнеркәсіптік қауіпсіздік пен экология саласындағы қызметін жүзеге асыру;
• өнеркәсіптік қауіпсіздік пен экологияға қатысты түрлі типті қауіптерді бағалау бойынша жұмыстар жүргізу, осы факторлар пайда болған жағдайда олардың әсер етуін жою немесе төмендету бойынша шаралар кешенін дайындау;
• серіктестерден компанияда қабылданған нормалар мен стандарттарды сақтауды талап ету; 
• қызметкерлердің біліктілігін арттырып, еңбекті қорғау, қауіпсіздік техникасы мен қоршаған ортаны қорғау саласындағы өндірістік қауіптерді азайту үшін қызметкерлерге оқыту және түсіндіру жұмыстарын үздіксіз жүргізу.